Saba...

Photo courtesy: Sandip Bhattacharya

ye rang hai ki dhoop hai
khili hai ya bikhar gayi
hai os ya ki dhundh hai
udi hai ya utar gayi

kisi ki ankho se ude,
kisi pe aa utar gaye
ye sapne hai ki titliya
hai hanste ya ke dar gaye

bandhe nahi khule nahi
ruke hai ya guzar gaye
ye lamhe hai ki ret hai
hai phisle ya teher gaye

kadam k hai nishan ye
ya chaav hai ummed ki
hai laute ya he gumshuda
safar pe hai ya ghar gaye